ನವರಾತ್ರಿಯ 7ನೇ ದಿನದ ವಿಶೇಷ ಅಲಂಕಾರ

ರಕ್ತಬೀಜನ ಸಂಹರಿಸಿದ ಜಗನ್ಮಾತೆಯ ಚರಣಕೆ ನಮನ,
ರಕ್ತವರ್ಣಾಯೈ ನಮಃ ಎನ್ನುತ ಮುಗಿವೆವು ಕರಗಳ ಪ್ರತಿದಿನ.
ಕರಕಮಲದಿ ಪುಸ್ತಕ ಜಪಮಾಲೆಯ ಹಿಡಿದಿರುವ ಜ್ಞಾನದಾಯಿನಿ,
ಶ್ರೀ ಸ್ವರ್ಣವಲ್ಲೀ ಕ್ಷೇತ್ರದಲಿ ಕಂಗೊಳಿಸುವ ರಾಜರಾಜೇಶ್ವರಿ ಚೂಡಾಮಣಿ.
ಭಕ್ತರ ಬಾಳಿಗೆ ವಿದ್ಯೆಯನು, ಬುದ್ಧಿಯನು ನೀಡುವ ದೇವಿಯ ದರ್ಶನ,
ಕಂಡು ಪುನೀತವಾಯಿತು ಇಂದು ನಮ್ಮ ಈ ಪಾವನ ಜೀವನ!

ಶ್ರೀ ಸೋಂದಾ ಸ್ವರ್ಣವಲ್ಲೀ ಮಹಾಸಂಸ್ಥಾನದ ಪವಿತ್ರ ಗರ್ಭಗುಡಿಯಲ್ಲಿ, ನವರಾತ್ರಿಯ 7ನೇ ದಿನದ ವಿಶೇಷ ಅಲಂಕಾರದಲ್ಲಿ ಕಂಗೊಳಿಸುತ್ತಿರುವ ನಮ್ಮ ಆರಾಧ್ಯ ದೈವ ಶ್ರೀ ರಾಜರಾಜೇಶ್ವರಿ ದೇವಿಯ ಇಂದಿನ ದಿವ್ಯ ದರ್ಶನ. ರಕ್ತವರ್ಣಾಯೈ ನಮಃ ಹಾಗೂ ಸರ್ವವರ್ಣಾಯೈ ನಮಃ ಎನ್ನುವ ಪವಿತ್ರ ನಾಮಗಳೊಂದಿಗೆ ರಕ್ತಬೀಜಹರ ದುರ್ಗೆಯಾಗಿ ಪೂಜಿಸಲ್ಪಡುತ್ತಿರುವ ತಾಯಿಯ ಈ ಅಪರೂಪದ ರೂಪವನ್ನು ಕಣ್ತುಂಬಿಕೊಳ್ಳಿ. ದೇವಿಯ ಹಸ್ತದಲ್ಲಿ ಶೋಭಿಸುತ್ತಿರುವ ಜ್ಞಾನದ ಪ್ರತೀಕವಾದ ಪುಸ್ತಕ ಮತ್ತು ಜಪಮಾಲೆಯನ್ನು ಧರಿಸಿದ ದೇವಿಯ ದರ್ಶನ ಪಡೆಯಲು ಹಾಗೂ ಉಭಯ ಶ್ರೀಗಳ ಆಶೀರ್ವಾದ ಪಡೆದುಕೊಳ್ಳಲು ಎಲ್ಲ ಭಕ್ತರನ್ನು ಶ್ರೀ ಕ್ಷೇತ್ರಕ್ಕೆ ಪ್ರೀತಿಯಿಂದ ಸ್ವಾಗತಿಸುತ್ತೇವೆ.